hækka skatta og persónuafslátt?

ok ok ég veit að hátekjuskattur á ekki að gera rass í bala... en af hverju er þá ekki hægt að hækka skatta hressilega en hækka persónuafsláttinn um leið.

Þetta myndi eflaust koma í veg fyrir gjaldþrot hjá þeim einstaklingum sem eru of tekjuháir fyrir aðstoð frá ríkinu en of tekjulágir til að ná endum saman... þetta myndi líka eflaust þýða að færri einstaklingar þyrfti á aðstoð frá ríkinu að halda...  að láta öryrkja og ellilífeyrisþega greiða skatt er í raun bara kjánalegt því það þýðir bara að þeir þurfa að fara til féló og fá aðstoð þaðan, frá fjölskyldu hjálp eða annarstaðar frá... þetta er því í raun bara heimskuleg og kostnaðarsöm tilfærsla á pening sem þjónar engum tilgangi. Ég get ekki gefið nákvæmar tölur en ég er vissum að með hækkun persónuafslátt og hærri sköttum myndi ríkið spara pening.

Fólk sem þarf að hafa miklar fjárhagsáhyggjur verður frekar veikt... þar er komin kostnaður á ríkið.

Fólk sem verður veikt þarf oft lyfi... ríkið niðurgreiðir lyfin.

Fólk getur orðið svo veikt á geði útaf fjárhagáhyggjum að það verður þunglynt og fer á örorkubætur, tímabundið eða til frambúðar ( ef einstaklingur er í áhættuhóp fyrir geðsjúkdóma getur þetta aukið líkur á veikindum) enn og aftur kostnaður fyrir ríkið.

Það er þekkt fyrirbæri að þegar efnahagurinn versnar þá aukast líkur á heimilisofbeldi... einstaklingar sem eru beittir heimilisofbeldi þurfa sálfræði hjálp, oft þarf að fjarlæga börn af heimilum, það getur aukið líkurnar á því að börn leiðist út í áhættuhegðun, eins og afbrot og fíkniefnaneyslu ... sem sé enn og aftur ríkið þarf að borga brúsann.

Afbrot aukast, áfengisneysla og fíkniefnaneysla... fíkniefni og landi gætu einmitt komið sterk inn núna þegar áfengisverð hefur verið hækkað...

 

Ég hef heyrt því haldið fram að hátekjuskattur virki letjandi á fólk, hann fái fólk til að fara síður í nám, flytja úr landi og slappa frekar af frekar en að reyna að skara fram úr.  Sem sé hæfileika fólk nýti síður hæfileika sýna...

Come the f*** on ætlar einhver að reyna að segja mér að kennarar í framhaldsskólum, grunnskólum og háskólum landsins séu ekki hæfileika fólk með menntun... í alvörunni? því þetta fólk er nú ekki með svo há laun....

Af hverju er alltaf gert ráð fyrir því að hæfileikaríka, gáfaða fólkið sé svoleiðis peningasjúkt, sjálfselskt og hálf sálarlaust. Af hverju er gert ráð fyrir því að það hugsi ekki ok ég GET OG VIL taka á mig skattahækkun vegna þess að ég get það.

Ég get ekki betur séð en að það fólk sem var sjálfselskt, peningasjúkt og hálf sálarlaust og var á ofurlaunum hafi einmitt ekki haft neina hæfileika né nokkurt vit i hausnum, við værum nefnilega ekki í þessu aðstæðum ef það hefði unnið fyrir laununum sínum....

Ef menntaða ungafólki ákveður vegna hátekjuskatts að flýja land get ég líka ekki sagt nema farið hefur fé betra... meðan flugfreyja stendur sig best af öllum ráðherrum landsins og lögfræðingur og hagfræðingur, dýralæknir og ég veit ekki hvað klúðra öllu sem þeir snerta þá getur menntun ekki skipt svona miklu máli.

 En jájá, ég get haft rangt fyrir mér og verið að misskilja allt alveg voðalega.... ég myndi nefnilega líka hækka fjármagnstekjuskatt ...... og hætta að lækka skatta slíkt á fyrritæki, einkarekstur á ekki að þurfa aðstoð frá ríkinu, fyrritæki veita þarfa þjónustu fara ekki á hausinn vegna þess að fólk heldur áfram að versla við þau... en til þess að fólk geti gert það þarf fólkið að eiga pening til að eyða ... hærri persónuafsláttur myndi því eflaust styðja við bakið á fyrirtækjum sem ekki þjónusta gervi þarfir.

Tillögur um mikinn niðurskurð

Svolítið skrítið hvað sumir vilja kalla réttlæti

Í fyrra blogg hjá mér "Súkkulaði bollur" seti ég fram hugleiðingu eða hvað það má nú kalla um baráttuhóp með heimasíðuna rettlaeti.is. Þar er hópur fólks að setja fram kröfur um að fá bætt tap vegna peningasjóða sem það lagði fé í. Það yrði almenningur sem myndi greiða þá kröfu ef til þess kæmi sem er ég þú og þetta fólk sem á ekki fyrir mat.

Ég las reynslu sögu Sigrúnar Steingrímsdóttur inn á rettlaeti.is. Hún er mjög áhugaverð í ljósi þess hvað fólk vill kalla réttlátt óréttlátt, eða rétt og rangt.... Ég hef því miður enga samúð með Sigrúnu.. hún vann ekki fyrir þeim arfi sem hún talar um að hafa fengið hún vann í raun ekki fyrri þeim vöxtunum sem hún hefur fengið af þeim pening sem hún eða aðrir lögðu inn...

Mér sem einstaklingi ber aðeins skilda til þess að sjá til þess að allir hafa í sig og á, þak yfir höfuðið og tækifæri til þess að geta lifað mannsæmandi lífi. Við verðum því að horfa til þess að bætur fyrir tjón verða að vera í samræmi við skaðann og hvort einstaklingurinn tók áhættu. Þetta fólk er að gera kröfu til þeirra einstaklinga sem er vísað til í þessari grein um að bæta sér þann skaða sem það varð fyrir þegar það ákvað að taka hættu til þess að fá hærri vexti. Þessvegna er fólk voða lítið að spá í þetta tap þeirra eða finnst það réttlætis mál að þau fái þetta bætt ...... meðan fólk er að missa vinnuna á ekki fyrir mat og er líka að tapa sínum eignum þá er auka sparifé einstaklinga sem völdu að taka áhættu ekki hátt á listanum yfir þau mál sem okkur finnst koma réttlæti við.. sérstaklega þegar einhver blásaklaus á að borga brúsan...

Ég þekki fullt af fólki sem eru eða hefur verið í þessu "gati" eða "tómarúmi" sem er á félagskerfinu hjá okkur. Ert með of há laun til að fá hjálp en of lág laun til að sjá fyrir þér .... Þetta fólk á sumt frekar erfitt með að þiggja hjálp frá vinum og vandamönnum og segir því engum frá hversu slæmt ástandið er fyrr en það er orðið mjööööög slæmt eða eftir að það hefur liðið hjá.  Fólk sem hefur verið með fiskibúðing og eða pulsur í jólamatinn vegna þess að það gat ekki eða kunni ekki að fá leita sér hjálpar.

Núna er að ganga í garð tímabil þar sem við þurfum öll að taka okkur á og vera alveg ótrúlega frek og afskiptasöm.... núna þurfum við virkilega að fylgjast vel með öllum í kringum okkur til þess að sjá út hverjir þurfa fjárhagslega hjálp eða andlegan stuðning. Sjálf hef ég troðið fiski(tengist sjómanni) upp á fólk sem ég veit að á lítið í matinn með þeim formerkjum að "ég bara sé ekki með pláss fyrir þetta í frystinum". Ekkert stolt sært og manneskjan að gera mér greiða með að taka við þessu. 

Það hefur alltaf verið þannig að partur af samfélaginu hefur liðíð skort, nú er sá skortur einfaldlega að aukast og´sá hópur sem líður hann að stækka.

Ég get kannski ekki beint sagt að það sé gott að efnahagsástandið hérna sé að versna og allt hafi farið til ******** ENskaðinn er skeður svo það er allt eins gott að nýta tækifærið læra auðmýkt og samúð og horfa aðeins í kringum okkur í staðin fyrir að vera alltaf að snúast í kringum eigið rassgat. Ég er ekki að tala um að við eigum að gefa allar okkar eigur og tekjur til góðgerðarmála og lifa á pasta það sem eftir er( ætlaði að segja hrísgrjón en þau eru orðin frekar dýr). Bara það að hugsa sig aðeins um það áður en maður fer að eyða í einhvern óþarfa og "tékka" á fólkinu í kringum sig. Margt smátt gerir eitt stórt og ef við öll hjálpumst að þá fer þetta eflaust ágætlega....

Já og sko hérna sko þnnægi vil ég líka sko heimsfrið (smellur í tyggjói)

 

Fólk á ekki fyrir mat

mig langar í hest og hjól og kjól og kanínu

... sko mig langar í hest og hjól og kjól og kanínu, nýju playmo höllina, barbie, pony og.. og og....

 

Hvernig er hægt að réttlæta það að fæða barn inn í þennan heim til þess að missa foreldra sína ungt og verða munaðarlaust? Bara af því þeim langaði að eignast barn?

Það er til fullt af munaðarlausum börnum í heiminum tala nú ekki um á Indlandi svo þau hefðu alveg eins getað tekið að sér nokkur eldri börn sem eiga engan að og hugsað um þau þar til þau sjálf falla frá....

Það er eins og þessir læknar séu gjörsamlega búnir að missa vitið...... Konur á þessum aldri EIGA EKKI að eignast börn... 

Sjötug frumbyrja á Indlandi

Bara hlutir

Ég hef aldrei í mínu stutta eða langa lífi, eftir því hvernig er horft á það verið jafn ánægð yfir því að geta verið heil manneskja án þess að þurfa að telja upp þá hlut sem ég á.

Ég hef heyrt dágóðan slatta af fólki halda því fram að það sé svo sárt að missa eitthvað sem maður hefur unnið fyrir. En er það í raun það sem er að gerast? Ef þú hefur virkilega unnið fyrir húsinu þínu værir þú þá að missa það núna? Er fólk ekki einmitt að missa það sem það tók lán fyrir og vann í raun ekkert fyrir? Á það ekki einmitt eftir að vinna fyrir því?

Þeir sem hafa misst pening í sjóðum... hversu mikið af vöxtum var það fólk búið að græða? Vann það í raun fyrir vöxtunum?

Það var viðtal í sjónvarpinu við mann sem missti unga dóttur sína í bílslysi. Einhver hálfviti (það er mín persónulega skoðun á manninum) ákvað að keyra á röngum vegahelming vegna þess að hann var að reyna að taka fram úr, keyrði framan á bílinn hjá föðurnum með þeim afleiðingum að sonur hans lamaðist og dóttir hans dó. Ef ég man þetta rétt. Hálfvitinn hefur síðan þetta gerðist verið handtekinn að mig minnir 9 sinnum fyrir of hraðanakstur (það fer nú enginn að segja mér að hann hafi bara keyrt of hratt í þau skipti sem hann náðist) og kvartaði svo yfir dómnum þar sem hann taldi að hann væri of harður miðað við aðra dóma sem hafa verið að falla.  Væri gaman að vita hvaða dóma hann er að miða við, eru svo mörg mál þar sem fólk hefur valdið dauða eins barns og lamað annað?

En allavega faðirinn sagði eitthvað á þá leið að hann liti kreppuna eflaust öðrum augum í dag heldur en hann hefði gert fyrir ári síðan áður en slysið varð.  

Segir þetta ekki bara allt sem segja þarf? Þetta eru bara hlutir sem við erum að berjast fyrir og stressa okkyu yfir. Við búum í velferðar samfélagi sem sér til þess að grunnþarfir okkar verða uppfylltar, matur, skjól og svo framvegis, þurfum við öll svo mikið meira

 Stundum snýst lífið bara um að lifa af og njóta þess sem maður þó hefur. Gera sitt besta og leyfa svo restinni bara að ráðast út frá því. Þetta fer víst allt einhvernvegin.

súkkulaðibollur

ok bara sorrý en það þarf einhver að útskýra það fyrir mér mjööög hægt afhverju ég á að bæta einhverjum það að hann var að reyna að græða pening með fjárfestingum en tapaði  á þeim?

Þetta voru og eru sjóðir, bréf eða hvað það nú kallast sem eru ekki tryggðir af ríkinu. Fólk þarf að taka ábyrgð á því hvað það leggur peninginn sinn í alveg sama þótt einhver hafi sagt hitt eða þetta. Fólki ber auðvitað að kynna sér almennilega hvað það er að fjárfesta í.

Hvaða réttlæti felst í því að ÉG þurfi að kosta það að þú skoðaðir ekki hvað þú varst að fjárfesta í?

Ríkið er ábyrgt fyrir vissum reikningum og sjóðum, þeir færðu þær innistæður greiddu út og komu þannig fyrir að fólk missti ekki þær upphæðir. Þetta fólk gat einsog aðrir sleppt því að setja sinn pening í þess tilteknu sjóði, það hafi val og það valdi vitlaust og verður núna að taka afleiðingunum sem eru jú frekar sorglegar. En svona er bara lífið.

Við erum öll að sjá fram á það að missa eitthvað og hafa minna milli handanna ég get ekki séð að það tengist réttlæti á neinn hátt að einstaklingar sem vildu hærri vexti sem fylgir óhjákvæmilega meiri áhætta eigi að vera einhverjar súkkulaðibollur.

Ég hljóma eflaust mjög hörð og leiðinleg en miðað við hvar verið er að skera niður hjá ríkinu hvaðan haldið þið að peningurinn myndi koma til að greiða þessum súkkulaðibollum?........heilsugæsla, félagsþjónusta og menntamál eru alltaf tekin fyrst fyrir áður en stjórnvöld snúa sér að ofurlaunum, áfengiskaupum, utanlandsferðum, bílastyrkjum, kokteilboðum og öðrum óþarfa sem er kostaður af hinu opinbera..... 

já og eitt enn ég hef unnið hjá ríkinu ég hef séð upphæðirnar sem fara bara í bakkelsi til að hafa á fundum fyrir fólk sem fær laun fyrir að mæta á fundina og sá peningur telur.

Það þyrfti að ráða hagsýna húsmóðir, eldri konu sem var uppi á eða eftir stríðstíma og kann að nýta hlutina  mætti helst hafa átt 5- börn..... slík kona kann og veit hvar á að skera niður.....ég hefði allavega meiri trú á slíkri konu en þessum vitlingum sem stjórna núna

 

 

Baráttuhópur opnar heimasíðu

og?

 Finnst einmitt meira jafnréttismál að það sé ekki strax eftir fæðingu skellt föðurnafni fyrir aftan kynbarnsins ef maður lætur nafn föðursins út úr sér... það getur líka verið mál að fá því breytt ef faðirinn er ekki sammála.... það var allvega þannig....

 

Eina manneskjan sem hægt er að vita með vissu að á eitthvað í barninu strax eftir fæðingu er auðvitað móðurin svo mér finnst sjálfsagt að skrá barnið eftir því.

Ef foreldrarnir eru svo með sameiginlegt forræði hvort sem þeir eru saman eða ekki þá ætti þetta að vera umsemjanlegt. 

Ætti að snúast um það að hægt sé að skrá barn í annað trúfélag en móðirin er skráð í. 

Það er eins Vantrú og fleiri geri sér ekki grein fyrir því að þetta snýst um JAFNRÉTTISLÖG ekki um trúarbrögð eða hvað annað... 

 Já og ef börn verða ekki skráð í trúfélög fyrr en þau verða 16 hvernig fer þá með fermingar? tssk

 

Viðbót 10.des: Ég þekki tilfelli þar sem nafni var skellt á barn án þess að móðirin væri spurð, eitt tilfelli tengt mér, lenti í þessu sjálf og þekki aðrar mæður sem hafa lent í svipuðu.  Ef foreldrar eru saman þá er þetta eins, ef búið er að skella föður nafninu á barnið þarf faðirinn að samþykkja breytinguna, hefur sem sé neitunarvald.... 

fullt forræði eða sameiginlegt forræði hefur ekkert með þetta að gera, ef búið er að skella kenninafni á barnið þá verður því ekki breytt nema með samþykki þess foreldris sem barnið er kennt við nema barnið breyti því sjálf þegar það hefur aldur til. Hef kynnt mér málið, hef rætt við þær niðrí þjóðskrá nokkrum sinnum og skilað inn nafnbreytingar plöggum...ef einhver er ósammlála eða vill halda öðru fram þá er það bara þeirra vandamál. Trúi frekar minni reynslu en þínum orðum... ég veit að færslur sem þessi fer alveg óskaplega fyrir brjóstið á sumum og er þessvegna ekki með opið fyrir athugasemdir, fólk verður bara að ræða þetta tiltekna mál á eigin bloggum.

Siðmennt fagnar áliti Jafnréttisstofu

stjórnvöld eiga heldur ekki að vera óheiðaleg...

Þegar einhver ákveður að brjóta reglur hvort sem um er að ræða skráðar-(lög) eða óskráðar-(samfélagsgildi) reglur þá hlýtur sá hinn sami að búast við einhverjum viðbrögðum.

Dýr stjórnast af eðli sínu á meðan maðurinn setur sér lög og reglur til að fara eftir sem eiga að tryggja honum og öðrum ákveðin réttindi og skyldur.

Þegar öll réttindi einstaklings eru tekin af honum og hann er aðeins skilinn eftir með skyldur þá grípur hann eflaust ákveðin gerð örvæntingar sem dregur fram það dýrslega eðli sem við öll höfum. Sum dýr flýja, sum klóra önnur bíta

Ég er auðvitað ekki að réttlæta það að lögreglumenn séu bitnir en þeir eru að standa vörð um þá einstaklinga sem sviptu almenning réttindum á sama tíma og þeir viðhalda og ætla sér að auka við skyldur þeirra.

Ég get ekki betur séð en að stjórnarskrá þessa lands sé mein gölluð ef almenningur getur ekki tekið aftur það vald sem hann afhendir hópi fólk til að stjórna þessu landi.  Við afhentum ykkur valdið við eigum að geta tekið það aftur.

 

Samband þjóðarinnar við ráðamenn er farið að minna á slæmt ofbeldissamband.

Aðili A fer með allt valdið á heimilinu og drottnar yfir B, C og D eins og honum sýnist hverju sinni.

B, C og D hafa einungis skyldur en engin réttindi.

C og D eru börn og hafa því í raun ekkert vald og B sem ætti að geta gengið út, getur það ekki vegna þess að A er búin að heilaþvo og telja B, C og D trú um að það sé ekkert líf fyrir utan veggi heimilisins, það sé alveg jafn slæmt ef ekki verra þarna úti.

A hefur neitað að láta frá sér það vald sem það hefur eignað sér og verður því ekki komið frá völdum með góðu og mun ekki breytast.

Ég sé aðeins fram á tvo raunhæfa möguleika í þessari stöðu þar sem A neitar að fara frá völdum 

1. Lífið heldur áfram án breytinga C og D flytja út ( flýja land) að lokum því þau þola ekki að búa undir hæl A, afdrif B eru óljós

2. B, C eða D ákveður að það sætti sig ekki lengur við A og kemur A frá völdum, B getur gert það með því að henda A út úr lífi sínu, C og D geta aðeins gert það með grófari aðgerðum.

 

 Í 24. gr. Stjórnarskrá Íslands stendur : Forseti lýðveldisins getur rofið Alþingi, og skal þá stofnað til nýrra kosninga,.... 

Ég get ekki séð neinar takmarkanir á því hvenær eða hvernig þessu ákvæði skal beitt. Ef Forseti Íslands getur beitt þessu ákvæðu ef hann vill þá get ég ekki betur séð en að hann sé í stöðu B, hann getur komið A frá völdum ef hann velur, það er mjög erfitt en það er hægt. 

Almenningur er í stöðu C og D ef við ætlum að koma A frá völdum þá verður það með grófari aðgerðum og fleiri geta þá eflaust búist við því að verða bitnir ef þeir þvælast fyrir. 

 

Mótmælendur eiga ekki að bíta

skiptir dómurinn sjálfur svo miklu máli?

Hvort sem hann er dæmur fyrir kynferðisbrot og eða brot gegn barnaverndarlögum  eða ekki þá hefur hann greinilega sýnt af sér óviðeigandi hegðun í starfi.

Ég segi nú bara einsog einn lögfræðikennari sagði fyrir stuttu.... "þótt einhver sé sýknaður þá þýðir það ekki að hann hafi ekki brotið af sér, það þýðir bara að það náðist ekki að sanna það fyrir rétti" .......

Ef ég keyri yfir á rauðuljósi og enginn sér það, er ég þá ekki að brjótalögin?

Biskupsstofa bíður endanlegs dóms

Er einhver hissa

Ef fasteingasalar hefðu ekki verið að selja íbúðir á uppsprengdu verði til að hækka sölulaun og eða laða að sér viðskiptavini þá væri ástandið á fasteignamarkaði annað. Þeir geta sjálfum sér um kennt.

Stétt fasteignasala þarf annaðhvort að breyta starfsháttum sínum eða deyja út.

Það var löngu útsjéð að það voru alltof margir appelsínugulir kallar á jeppum í fasteignabraski fyrir þennan markað.  Vegna smægðar markaðarins urðu þeir því auðvitað að hækka fasteignaverðið til að þeir fengju almennileg laun... appelsínugulur litur er líka alveg einstaklega dýr...

Það var viðtal við fasteignasala í sjónvarpinu um daginn, þar sagði hann að fasteignasölum beri að vernda hagsmuni seljanda og kaupanda... Ég get ekki séð að þeir hafi gert það ....

Hann talar líka um að "eignast þak yfir höfuðið" .... allir sem eiga húsin sín eða sjá fram á það að eiga nokkurtíman eftir að EIGA það í raun og veru rétt upp hönd...... ... tssk

Um 80% hafa misst vinnuna